Har Bashar ek Lafz Hai, Lafzon Ke Maane Dhoondhiye,
Boond Bhar Jal mein Samandar Ki Kahani Dhoondhiye,
Zindagi Ko Jalte Huye Sehra Se Bachane Ke Liye,
Aaj Ke Insaan Ki Aankhon Mein Paani Dhoondhiye,

Main Nahin Kehta Milna Chhod De Auron Se Aap,
Khud Se Bhi Milne Ko Kuch Shaame Suhaani Dhoondhiye,
Dil Ke Behlaawe Ki Khaatir, Kaun Aayega Yahaan,
Apne Hi Dil ki Koi Dhadkan Puraani Dhoondhiye,


Aye Kunwar Badh Jaayegi Aankhon Ki Chamak,
Is Zameen Par Khwab Koi Aasmaani Dhoondhiye

--- Kunwar Bechain


* Bashar = Insaan
*Sehra=Registaan